---

Duduh Durahman, pangarang Sunda sénior, redaktur fiksi majalah Manglé, diulangtankeun ku PP-SS. Ieu acara diayakeun di Gedong Kasenian Rumentang Siang, 26 Méi 2004. Acarana rupa-rupa, ti mimiti motong tumpeng, loncing buku kumpulan carita detéktif Ajalna Sang Béntang Filem karya Duduh Durahman, dramatisasi naskah Ajalna Sang Béntang Filem nu digarap ku “Laskar Panggung” Bandung, jeung diskusi ngeunaan carita-carita detektif nu ditulis ku Duduh Durahman.